Italy - Cinque Terre DAY 26
|
|
今日好醒目呀~ 一早6點半就起身準備出門口~ 我地跟據poly同學o既提示去左五鄉地 ~ 五鄉地係由5個海邊小漁村組成~ 由一條好窄軌o既火車貫穿~ 係地區自然公園, 亦好似係世界文化遺產黎~ 初初聽落好似好隔涉, 驚仲黎唔到~ 但原來好易到~ 而且d火車指示都算清晰~ 好彩~~ 沿途搭火車黎時望出去, 見到d水好清, 見到底咖~ 好得意咖~ 架車成日都入隧道, 而且條隧道有好多窿, 望出去好似一幅幅畫咁~ |
|
Monterosso @11:00
|
|
我地第一站係Monterosso, 係火車o既尾站~ 黎到時只係11點咋~~ 我地一落車, 問人邊個鎮o既沙灘最靚~ 佢話lee度o既沙灘係5個鎮中最靚~ 聽到之後, 我地就即刻搵地方換衫, 跟住就急不及待咁想跳落水~ 但諗諗下, 發現我地無lunch~ 於是就走返去車站個麵包店買埋個lunch...之後就返落去沙灘~ 個灘唔係好大, 但我地去到時已經有好多人開晒太陽傘鋪晒毛巾~ 我地搵左個邊位, o岩o岩好有個陰影位可以坐上去又有野遮~ 我地落到去坐坐下...發現唔對路...個太陽鬼咁猛...我地又揀正最晒o既正午時份游水啦... 我地預左一日黎玩晒5個村莊, 跟本已經唔多夠時間, 無時間等太陽落山, 但又好想試下嚮度游水...結果...我地冒住燒焦o既危險都落左水~~ 但...落水前都要經過個嚴峻o既考驗...可能係丕午太陽伯伯太勤力...d沙同石已經晒到好熱...辣腳板...要半跑半跳咁衝落去=.=" |
|
 |
|
對比起其他灘, 其實lee度d水唔算太清, 可能因為多沙, 所以望落唔係見晒地~ 而且d水唔算淺, 有時會俾d浪會拉出去掂唔到地...仲要d石好圓好難企企得隱, 攪到個人成日跌跌下咁... |
|
由於時間關係...我地游完水後就即係趕去火車站搭火車去Vernazza... 我地計過, 佢差唔多個幾鍾有一班車, 只要我地唔好miss左o既話, 我地就可以去晒五個鎮~ 其實, Monterosso唔止得一個沙灘, 仲有其他野睇咖, 好似沙灘對上就有d餐廳, 仲有條好靚好長o既路, 應該係通入去個村o既...我地今次只係去左 Monterosso 村前o既沙灘, 並未真正入村去參觀...
|
|
Vernazza @13:04
|
|
第二站Vernazza, 第一個印象係好細, 一出火車站行無耐已經見到個灘仔~ 個灘隔離就已經係餐廳同埋間教堂~ |
|
 |
 |
 |
 |
沙灘隔離有間"bar", 一罐普通可樂要HK$18...擺明呃錢...但我地太口渴...就算之前話要點樣慳$最後都係乖乖地比錢每人買左罐~ |
d婆婆就好啦... 游完水就咁圍條布就行得... 去到第二條村又可以即刻再游過...... 勁free~ |
 |
 |
就算唔係沙灘, D人都照鋪毛巾晒太陽~~ |
由灘另一面望向Monterosso方向可以見到梯田~ |
 |
 |
位於石灘旁o既教堂~ 宜家已經變成餐廳~ 餐廳前仲有表演咖~ |
Vernazza最吸引人o既地方就係色彩繽紛o既屋~ |
 |
|
 |
 |
灘o既另一面係個堡壘, 宜家又係變成餐廳啦~初初我地唔知係咩, 仲行左上去諗住由高d睇番個灘~ 嚮個堡壘前, 有好多人擺左位晒太陽~~ |
|
 |
 |
好多人就咁嚮岸邊跳落水...睇到我好驚...好驚佢地會撞到頭=.= |
就咁睇好似好淺水, 但其實只係錯覺 |
 |
 |
好如果無理解錯, 岸邊o既水深係10米...最淺o既係6米...... |
|
 |
 |
我地企嚮岸邊望海, 睇住d人越游越開, 好羨慕...好想游埋一份... lee度d水睇落清過Moterosso, 可惜我地已經換好晒衫...無得游... 之後見到時差唔多, 於是就起程行返去車站, 一路上都有好多同我地一樣o既遊客, 較o岩時間去下一個漁村~ |
|
 |
|
Corniglia @14:15
|
|
第三站係Corniglia, 一落車比較荒涼...咩都無...原來個town center係嚮座山上面...落完車要沿住路軌小路行, 烈日當空...好晒...
|
|
 |
 |
沿岸邊起o既火車路軌 |
全靠佢地, 我地先咁易知道點行去city center咋~ |
 |
 |
如果條上山o既路係嚮岸邊就好啦~ |
行極都行唔完...轉極都未轉到上社o既長樓梯...好似有365級... 平時真係做得太少運動啦... |
我地終於行到上去~ 見到路口有部提款機嚮石牆中~ 好攪笑~ 好似呃人咁~ 個city center好有小鎮feel~
|
|
 |
 |
 |
 |
 |
 |
 |
 |
 |
 |
就算當時好熱好晒...爸爸依然好落力咁同個仔踢波~ 睇到都覺得辛苦... |
|
 |
 |
睇完對父子踢波, 我地跟住d路繼續行~ 行行下 居然發現到落灘o既路~ 我地好開心咁諗住落去睇下, 但...個灘要落到好低...而我地又無咩時間...所以...最終落到一半就停左無再落... 但係...嚮果度見到好多梯田, 可能個center比較高, 可以望得遠d, 見到好靚o既山同田~ 唔知d田係咪種葡萄呢~ 如果有多d時間就可以沿住d小路行山, 應該可以發現更多更靚o既景~ |
|
 |
 |
由山上望番落去個海, 好靚, 係見到水底o既石咖~ 勁清~ |
|
 |
 |
被迫放棄無落到去睇清楚o既灘... |
懶洋洋貓貓~ |
 |
 |
 |
 |
Manarola @16:24
|
|
行完山, 我地就向第四站 Manarola進發~ 我地跟住樓梯行上去, 一望番落去就係個灘啦~ |
|
 |
 |
一出車站就係條隧道, 好似個防空洞咁~ |
|||||||
由lee個角度睇, 好似個泳池~ 完全比岸邊o既石圍住~ 但再望去第二面同遠d, 就會見到好似個避風塘~ |
|||||||
 |
 |
||||||
離遠睇時d水好清, 但行近d時見到原來近岸地方有垃圾同水草咖~ 再行出d就真係好乾淨啦~ |
|||||||
 |
 |
||||||
 |
 |
||||||
成條斜路俾人霸人黎晒太陽~ 佢地係鍾意晒太陽多過落水~ |
七彩屋仔依住山崖而建, 好有氣勢~~ |
||||||
 |
 |
||||||
 |
 |
||||||
|
|||||||
Riomaggiore @17:30
|
|||||||
終於黎到最後一站, 之前搭車經過同睇postcard, 以為個灘好大好靚, 但原來好細咖咋~ 而且個位仲好隱蔽~ 我地一出站就跟大隊行左上山, 之後發現唔多對路就搵路落番去~ 諗住點都唔會有個灘嚮山頂卦~ 點知...真係比我地撞中左~ |
|||||||
|
|||||||
 |
 |
||||||
就算只係個小漁村, 但都有座幾有規模o既教堂 |
優美小路~ 好高尚住宅feel~ |
||||||
 |
 |
||||||
同其他四個漁村唔同, Riomaggiore有d外牆上有唔同o既油畫 |
海岸邊獨特o既石紋~ |
||||||
 |
 |
||||||
甩左色o既七彩小屋~ |
同Manarola一樣, lee度個灘都有條堤壩, 形成個港口仔~ |
||||||
 |
 |
||||||
所謂o既灘, 其實只係個石堆, 好細...而且好深水...睇住d人由一舊石游去另一舊, 好似好傻~ 仲見到有個伯伯玩浮潛...好想潛埋一份... |
|||||||
 |
 |
||||||
我地睇完人游水, 諗住行原路返車站時...發現原來個灘嚮正車站隔離...一出車站行落去就係...而我地居然兜左一大個圓先搵到仲要覺得自己好叻...=.=" actually...一出車站時好似都見到個牌寫住beach方向, 但...見無人行果面, 以為自己睇錯... |
|||||||
"浪漫小徑"標誌 |
|||||||
 |
 |
||||||
嚮火車站隔離係"浪漫小徑"入口, 有條沿海o既路一直通去Manarola, 個景好靚, 仲可以睇日落. 但又係無時間行... |
"浪漫小徑"入口收費處 |
||||||
本來要比$或者有pass先可以入去"浪漫小徑"~ 但入口收費處個staff好好人, 知我地趕時間搭之後o既火車, 但又八卦想睇下究竟條路係點, 於是就比我地唔駛$行入去睇下同映相~~ |
|||||||
 |
 |
||||||
火車站 走果時...發現車站好多人...可能因為個個都要趕住出番去...而且...架火車仲要有兩卡壞左...好迫... |
|||||||
La Spezia
|
|||||||
終於迫完火車返到黎城市~ 見距離下班返Florence火車仲有大約一個鐘, 於是決定行去city center睇下~ 但...我地計算錯誤...原來...行過去city center一來一回已經差唔多半個鐘...仲要預早少少時間返去等火車, 而且我地又嚮tourist info度晒左d時間, 結果... 行到去center時我地已經要折返=.= |
|||||||
 |
 |
||||||
沿途街道 |
唯一睇到o既"景點"--蛋蛋噴泉... |
||||||
返到車站...好彩架車未到, 我地坐嚮月台等車, 期間...po refill左樽水~ 我地架火車又遲左到...我地好留心咁聽廣播, 驚佢臨時專platform我地會miss左班車... 就嚮等等下之際, po發現個袋濕濕地, 初時仲以為係d水太冷凍o既錯覺, 但後尾發現唔對路...一睇...原來佢個袋已經變身泳池...sony叔叔嚮裡面游緊水... 坐隔離一齊等緊車o既叔叔見到...居然笑我地...仲話佢果部唔怕水...佢比我地睇佢果部, 果然好pro, 有晒防水殼... 我地見sony叔叔咁即刻拎佢出黎搶救...嚇親...仲要無tissue...諗住問隔離叔叔借...佢居然聽唔明咩野係tissue~.~ 無tissue唔緊要...拎面油紙出黎索住水先...仲可以攝入鏡頭蓋位吸番d水出黎...但抹極都仲有水...好擔心...又唔敢試住...諗住等佢風乾d先試下睇下開唔開到機... 上到車, 我地嚮卡房度拎d野出黎吹乾...驚比人見到會歧視我地~ 最後證實...sony叔叔大步檻過~ 我地仲話緊如果佢唔得...之後去Rome時就要展開搵sony維修店之旅~ 仲自我安慰話橫掂大景點舊年睇左, 今年可以去下商業區參觀~ 宜家唔駛lu~ 我地可以留番d時間plan下羅馬舊年仲有咩地方未去o既今年去番~~ |
|||||||
 |
HOME |  |
||
